TƏBİB prinspiallıq göstərərk 20 saylı Təcili və Təxirəsalınmaz Tibbi Yardım Stansiyasının araşdırma aparıbsa, onda bu araşdırmanın nəticəsini niyə açıqlamır?

Kainat.tv xəbər verir ki, sosial şəbəkələrdə Qaradağ rayonu 20 saylı Təcili və Təxirəsalınmaz Tibbi Yardım Stansiyasında çalışan tibbi personaldan təmir işləri adı altında pul yığılması ilə bağlı xəbər tirajlanıb. 

Qeyd olunur ki, stansiyada çalışan hər bir əməkdaşdan aylıq 10 manat ödəniş tələb olunub və həmin vəsaitlərin stansiyanın müdiri Bünyat Haqverdiyevin köməkçisi olduğu bildirilən Fərqanə Gülbalayevanın hesabına köçürülməsi istənilib. Xəbərdə həmçinin iddaların doğruluğunu sübut edən bank köçürmələrinin qəbzləri də yer alıb.

Bu qalmaqalla bağlı Baku TV Qaradağ rayonu 20 saylı Təcili və Təxirəsalınmaz Tibbi Yardım Stansiyasının bölmə müdiri Bünyat Haqverdiyevlə əlaqə saxlayıb. Cənab Haqverdiyev bildirib ki, bütün bu iddialar böhtan xarakterlidir və həqiqəti əks etdirmir. Bünyat Haqverdiyev təkzibinə qüvvət vermək üçün əlavə edib ki, məsələ ilə bağlı Tibbi Ərazi Bölmələrinin İdarəetmə Birliyi (TƏBİB) tərəfindən araşdırma aparılıb və hər hansı qanun pozuntusu aşkar edilməyib.

Baku TV öz növbəsində TƏBİB-də müraciət edib, lakin TƏBİB Bünyat Haqverdiyevin bu iddasını şərh etməyib. Bu durumda sual olunur, ortada iddaların doğruluğunu sübut edən bank köçürmələrinin belə olduğu halda stansiyanın müdiri Bünyat Haqverdiyevin sadəcə “bu iddalar həqiqəti əks etdirmir” deməsi təkzib hesab oluna bilər? 

Əgər bu iddalarla bağlı Bünyat Haqverdiyevin idda etdiyi kimi TƏBİB araşdırma aparıbsa və hər hansı qanun pozuntusu aşkar etməyibsə, onda niyə susr və niyə Baku TV-nin qanuni sorğusunu cavablandırmır?

Məsələ ondadır ki, vətəndaş, ya da mətbuat qanun pozuntusu ilə bağlı nə boyda fakt və sübut ortaya qoymasından asılı olmayaraq, əgər qarşı tərəf qalxıb, “bu b öhtandır, həqiqəti əks etdirmir”, deyirsə, bu artıq təkzib olur və ortada olan korrupsiya faktı isə öz hüquqi qüvvəsini itirmiş olur. Bu, artıq çoxdan cəmiyyətimizdə tendensiyaya çevrilib və yalandan hansısa faktı təkzib edən məmur isə “aydan arı sudan duru” moduna keçərək hüquqi və ictimai məsuliyyətdən azad olur...

TƏBİB-in araşdırmasına gəlincə, əgər doğrudan da Bünyat Haqverdiyevin idda etdiyi kimi TƏBİB prinspiallıq göstərərk 20 saylı Təcili və Təxirəsalınmaz Tibbi Yardım Stansiyasının araşdırma aparıbsa, onda bu araşdırmanın nəticəsini niyə açıqlamır?

Axı TƏBİB o araşdırmanı məhz ictimaiyyətə düzgün məlumat vermək üçün aparıb. Xüsusən də bank köçürmələri ilə bağlı qəbzləri prokurorluq araşdırmalı deyilmi və görəsən TƏBİB bununla bağlı prokurorluğa müraciət edibmi? Ya da, bəlkə heç TƏBİB heç bir araşdırma aparmayıb və Haqverdiyevin qurumdakı hansısa hamisi ona belə deməyi məsləhət görüb?

Görünən odur ki, TƏBİB-dəki növbəti kadr dəyişikliyi də bu qurumdakı neqativ vəziyyətə təsir etməyib və TƏBİB-də korrupsiya öz axarı ilə davam edir... //Poliqon.info