Tehran və Vaşinqton arasında mesaj mübadiləsi İranın ali lideri Müctəba Xameneinin olduğu yeri gizli saxlamaq üçün kuryerlər vasitəsilə mürəkkəb bir sxemlə həyata keçirilir.

Kainat.tv Publika.az-a istinadən xəbər verir ki, bu barədə "Bloomberg" agentliyi mənbələrə istinadla məlumat yayıb.

Bildirilib ki, ABŞ-ın təklifləri dolayı diplomatik yollarla ötürülür. Mənbələr Vaşinqton və Tehran arasındakı müzakirələri "əsl danışıqlardan daha çox, ağır bir proses" kimi xarakterizə ediblər. İrandakı internet problemləri də vəziyyəti çətinləşdirir və bu səbəbdən tərəflərin mesajları bir-birinə bir necə gün sonra çatır.

Xatırladaq ki, ABŞ prezidenti Donald Tramp İranla müharibəyə son qoymaq barədə razılığa gəldiklərini bəyan etsə də, sənədlərin hələlik imzalanmadığını bildirib.

Öz növbəsində, İran XİN-in rəsmi nümayəndəsi İsmail Baqai Trampın sülh sazişinin imzalanması ilə bağlı açıqlamalarını "fərziyyə" adlandırıb.