“İranın Hörmüz boğazı üzərində Amerika ordusuna məxsus "AH-64 Apache" helikopterinə hücum etdiyinə görə ABŞ cavab verməlidir”.

Kainat.tv Publika.az-a istinadən xəbər verir ki, bu barədə ABŞ Prezidenti Donald Tramp "Truth Social" sosial şəbəkəsində paylaşım edib.

"Helikopterdə olan hər iki pilot sağ-salamatdır. Buna baxmayaraq, Birləşmiş Ştatlar bu hücuma cavab verməyə borcludur", - deyə Ağ Evin rəhbəri yazıb.

İyunun 9-u səhər saatlarında "The New York Times" qəzeti "AH-64 Apache" helikopterinin Hörmüz boğazı rayonunda qəzaya uğradığını xəbər verib. Nəşrin həmsöhbətlərindən biri bildirib ki, qəzanın səbəbləri hələlik müəyyən edilməyib. Onun sözlərinə görə, müstəntiqlər helikopterin İran tərəfindən vurulduğunu, yoxsa qəzanın texniki nasazlıq səbəbindən baş verdiyini araşdırırlar.

Tramp həmçinin bəyan edib ki, ABŞ rəsmiləri iyunun 10-da helikopterin qəzaya uğraması ilə bağlı hesabat dərc etməyi planlaşdırırlar. Onun sözlərinə görə, qəza anında göyərtədə olan hər iki hərbi qulluqçu xəsarət almayıb.