İran ABŞ ilə münaqişəyə son qoyulması üçün hər hansı bir razılaşma mətnini hələ ki, təsdiqləməyib.

Kainat.tv Publika.az-a istinadən xəbər verir ki, bu barədə Tehranın danışıqlar qrupuna yaxın mənbəyə istinadla "Fars" agentliyi məlumat yayıb.

"ABŞ ilə qarşılıqlı anlaşmaya dair ilkin memorandumun heç bir mətni təsdiqlənməyib", - deyə məlumatda qeyd olunub.

Bundan bir müddət əvvəl ABŞ Prezidenti Donald Tramp özünün "Truth Social" sosial şəbəkəsində İranla razılaşmanın yekun maddələrinin bütün tərəflər tərəfindən razılaşdırıldığını yazmışdı. Ağ Evin rəhbəri, həmçinin axşam saatlarına planlaşdırdığı İrana zərbələri ləğv etdiyini də bildirmişdi.