Abşeron rayonunun Hökməli qəsəbəsində vətəndaşlar antisanitariya vəziyyətindən şikayətçidirlər.

Kainat.tv Baku.ws-ə istinadən xəbər verir ki, məktəbin yanındakı ərazi zibilxanaya çevrilib.

Ətrafda yaşayan insanlar və ərazidən keçənlər üfunət içərisində boğulurlar. Hətta əraziyə heyvan cəsədləri də atırlar.

"Gecələr buradan keçmək mümkün deyil. İtlər adamın üstünə cumur. Yağış yağanda ərazi biabırçı vəziyyətə düşür. Bu istiqamətə nə taksilər gəlir, nə də təcili yardım. Deyirlər ki, biz zibilxanaya girmirik", - deyə şikayətçi bildirib.

Dəfələrlə aidiyyati orqanlara şikayət olunsa da, heç bir tədbir görülməyib.

Abşeron rayonu Hökməli qəsəbəsində qeyd edilən ünvanda yaranmış antisanitar vəziyyət polisin müşayəti ilə əraziyə cəlb olunan aidiyyatı dövlət orqanları tərəfindən aradan qaldırılıb. 

Bu barədə Kainat.tv-yə DİN-nin mətbuat xidmətindən bildirilib