ABŞ prezidenti Donald Tramp G7 (Böyük Yeddilik) sammitində ukraynalı həmkarı Volodimir Zelenski ilə görüşündən sonra Ukraynanın hazırda müharibəni "kifayət qədər uğurla" apardığını bəyan edib.

Kainat,tv xəbər verir ki, sammitdə iştirak edən iki rəsmi mənbənin "Axios" portalına verdiyi məlumata görə, Tramp Rusiya prezidenti Vladimir Putinin hərəkətlərindən məyus olduğunu dilə gətirib.

ABŞ lideri hətta "Ankoric razılaşmaları"ndan imtina edə biləcəyinə dair eyham vurub.

Qeyd edək ki, sözügedən razılaşmalara əsasən, ABŞ gələcək hər hansı bir sülh sazişi çərçivəsində Ukrayna Donbasının Rusiyanın nəzarətində qalması barədə rəsmi Mosvanın tələbini qəbul edirdi.

"Tramp Putinlə bağlı hər bir məsələyə olduqca skeptik yanaşırdı və Rusiyaya təzyiq göstərməkdən danışırdı. Lakin digər liderlər onun bu istiqamətdə real addımlar atacağına tam inanmırlar", - deyə sammitdə iştirak edən rəsmilərdən biri "Axios" portalına bildirib. //Musavat.com