ABŞ Dövlət katibi Marko Rubio Rusiya və ABŞ rəsmiləri arasında Alyaskada keçirilən və beynəlxalq mətbuatda böyük müzakirələrə səbəb olan görüşün hüquqi statusuna aydınlıq gətirib.

Kainat,tv Musavat.com-a istinadən xəbər verir ki, Dövlət katibi mətbuata verdiyi rəsmi bəyanatda Alyaskada tərəflər arasında hər hansı bir yekun sənədin və ya öhdəliyin imzalanmadığını qətiyyətlə vurğulayıb. Rubio sözügedən görüşün pərdəarxası məqamlarını tam ifşa edərək deyib:

"Alyaskada tərəflər arasında heç bir razılaşma və ya saziş əldə olunmayıb. Alyaskada sadəcə olaraq tərəflərdən birinin irəli sürdüyü bir təklif var idi".
Ekspertlər ABŞ xarici siyasət idarəsinin rəhbərinin bu kəskin və birbaşa çıxışını qlobal güclər arasında aparılan gizli diplomatik danışıqların real gedişatını nümayiş etdirən mühüm detal kimi qiymətləndirirlər.

Rubionun bu bəyanatı rəsmi Vaşinqtonun Alyaska danışıqlarında hər hansı bir kompromisə və ya məcburi razılaşmaya imza atmadığını nümayiş etdirmək məqsədi daşıyır.