Ötən həftə yumurtanın qiymətinin 1-3 qəpiyə qədər enməsi bazarda kütləvi alışlara səbəb oldu. İnsanlar ucuzlaşmadan yararlanmaq üçün yüzlərlə yumurta almağa başladılar. 

Kainat,tv Bizimesr.com-a istinadən bildirir ki, bu vəziyyət isə qısa müddətdə bazarda yumurta qıtlığı yaradıb. Son 2-3 gündür bir çox marketlərdə yumurta demək olar ki, yoxdur.

Müşahidəçilər hesab edirlər ki, yaranmış vəziyyət süni qıtlıq yaratmağa hesablanmış ola bilər.

Məlumata görə, bəzi topdansatış məntəqələri və iri alıcılar ucuz qiymətə satışa çıxarılan məhsulu kütləvi şəkildə alaraq ehtiyat toplamağa başlayıblar. Nəticədə pərakəndə satış şəbəkələrində məhsulun həcmi kəskin azalıb. Bir sıra marketlərdə rəflər tamamilə boş qalıb, bəzi satış nöqtələrində isə yumurta satışına məhdudiyyət tətbiq olunub.

Məsələ ilə bağlı rəsmi qurumların və istehsalçı şirkətlərin açıqlama verilmir. Ekspertlər bildirirlər ki, əgər təchizat qısa müddətdə bərpa olunmasa, yaxın günlərdə yumurtanın qiymətində yenidən artım müşahidə oluna bilər. Hazırda ölkənin müxtəlif bölgələrindən yumurta çatışmazlığı ilə bağlı şikayətlər artır.