ABŞ prezidenti Co Baydenin administrasiyası Rusiyaya qarşı daha çox sanksiyalar tətbiq etmək niyyətindədir.

Kainat.tv Publika.az-a istinadən xəbər verir ki, Vaşinqton bir barel üçün 60 dollardan yuxarı qiymətə satılan nefti daşıyan tankerləri hədəf alacaq. Bu barədə “Reuters” iki mənbəyə istinadən yazıb.

Agentliyin məlumatına görə, Rusiya Federasiyası “limitdən yan keçmək” üçün yanacaq daşıyan köhnə gəmilərdən istifadə edir. “Reuters”in adını açıqlamayan həmsöhbətlərindən biri bildirib ki, ABŞ Moskvaya qarşı “böyük sanksiyalar paketi” tətbiq edəcək.

"Sanksiyalar, ehtimal ki, nefti limitdən yuxarı qiymətə satan bəzi şəbəkələrdə iştirak edən şəxslərə qarşı tədbirləri də əhatə edəcək", - başqa mənbə bildirib.