80 saylı Lerik-Astara Dairə Seçki Komissiyasının sədri Firdovsi Fazilov 29 yanvar 2025-ci il tarixdə keçirilən bələdiyyə seçkilərindən 2 ay sonra dövlətin maliyyəsi ilə alınan bəzi ləvazimatları gözətçisinin köməyilə satmaq üçün özü ilə aparıb.
Bu barədə Kainat.tv-yə videofakt daxil olub. Videoda DSK sədri Firdovsi Fazilovun seçki dairəsindən 99 CX 515 dövlət qeydiyyat nişanlı "Nissan" markalı avtomobilinə daşıdığı görünür.
Məsələ ilə bağlı F.Fazilovla əlaqə saxladıq. O, saytımıza açıqlamasında bildirdi ki, qeyd olunan məsələ ilə bağlı prokurorluq tərəfindən araşdırma aparılıb: "Həmin vaxt araşdırma aparıldı, fakt aşkarlanmadı. İndi isə sizdə hansı videonun olduğunu bilmirəm", - deyə o əlavə edib.
Qeyd edək ki, video bələdiyyə seçkilərindən təxminən 2 ay sonra - 1 aprel 2025-ci ildə lentə alınıb.