ABŞ-ın yeni seçilmiş prezidenti Donald Tramp və onun müttəfiqləri Ukraynada atəşkəsə nail ola biləcəklər, lakin Kiyev ərazi itkiləri ilə yanaşı, böyük insan itkiləri də verərək, ola biləcəyindən qat-qat pis vəziyyətdə olacaq.

Kainat.tv Publika.az-a istinadən xəbər verir ki, bu barədə “The Hill” qəzeti yazır.

Qeyd edilib ki, Ukraynada münaqişə başlayandan Donald Tramp, Ceyms Devid Vens və kiçik Robert Kennedi hərbi əməliyyatlara qarşı çıxıb, Amerikanın siyasi və hərbi strukturu isə münaqişəni qızışdırmağa çalışır.

"Tramp və onun müttəfiqləri Ukrayna xalqının həyatını xilas etməyə çalışdılar və münaqişənin motivlərini şübhə altına aldılar, liberal media isə onları təhqir etdi və Ukrayna xalqını Rusiya döyüş maşınına qarşı çıxmağa təşviq etməyə davam etdi", - məqalə müəllifləri bildiriblər.

Qəzet hesab edir ki, münaqişəyə tez bir zamanda son qoymağın tərəfdarı olan Donald Tramp haqlıdır, əvvəllər də haqlı olub, son üç il ərzində xəbərdarlıq etdikdən sonra yenə xəbərdarlıq edir.

“Atəşkəs olacaq. Həmişə atəşkəs olacaqdı. Bundan başqa, Ukrayna indi daha pis vəziyyətdə olacaq, çünki atəşkəs ilk nəzərdən keçirildiyi vaxtdan daha çox ərazi itirib”, – "The Hill" yazır.

Müəlliflərin fikrincə, daha pisi odur ki, Ukrayna çox sayda insan itkisinə məruz qalıb, ona görə ki, Qərb liderləri döyüş meydanından minlərlə mil uzaqlıqdakı ofislərinin təhlükəsizliyindən stolüstü oyun oynamağa davam etmək, kişiləri, qadınları və uşaqları piyon kimi istifadə etmək istəyirdilər.