Amerikanın Türkiyədəki səfiri Tom Barakın ABŞ-ın Ermənistanla Azərbaycan arasında danışıqların irəliləməsinə kömək etmək üçün “Zəngəzur dəhlizi”ni 100 il müddətinə icarəyə götürməyə hazır olduğu barədə sözləri blef yox, real plan ola bilər.

Kainat.tv xəbər verir ki, bunu RTVI-ya Dövlət Dumasının MDB işləri üzrə komitəsi rəhbərinin birinci müavini Konstantin Zatulin deyib.

Zatulin qeyd edib ki, Amerika səfirinin bu sözlərinin arxasında Ermənistan və Azərbaycan rəhbərliyinin razılığı var.

"Hesab edirəm ki, bu, çox real perspektivdir. Və hətta hesab edirəm ki, Rusiya-Ermənistan, eləcə də Rusiya-Azərbaycan münasibətlərində son vaxtlar bütün kəskinləşmələr məhz onunla bağlıdır ki, Moskvadan “Zəngəzur dəhlizi” ilə bağlı sual verməmək üçün Azərbaycan və Ermənistan gərginliyi süni şəkildə qaldırıblar", - deputat bildirib.

Əvvəllər Zatulin xatırladıb ki, belə bir dəhliz yaradılarsa, ona Rusiya qoşunları və ya Rusiya nümayəndələri nəzarət edəcəklər. İndi parlamentarinin hesab etdiyi kimi, “Ermənistanda və Azərbaycanda heç kim bundan narahat deyil. Hesab edirəm ki, ABŞ-ın Türkiyədəki səfiri əslində nə razılaşdırıldığını deyib", - o, yekunlaşdırıb. //Publika.az