Ermənistan Baş naziri Nikol Paşinyan koronavirusa yoluxması barədə paylaşım edib. Onun sözlərinə görə, dekabrın 23-də verdiyi testin nəticəsi müsbət çıxıb, lakin bu gün səhər nəticələr mənfi olub. Sosial şəbəkənin Ermənistan seqmentində isə Paşinyanın MDB liderlərinin sammitində iştirakdan yayınmaq üçün koronavirus iddiasını ortaya atdığı deyilir.

Kainat.tv xəbər verir ki, Globalinfo.az-a danışan politoloq Vəli Əlibəyovun sözlərinə görə, indiki həssas məqamda Paşinyanın MDB liderlərinin sammitində iştirakı, əlbəttə ki, onun Qərb müttəfiqləri tərəfindən birmənalı qarşılanmaz.

Politolqun fikrincə, Paşinyanın koronavirusa yoluxması xəbərinin yalan olması haqda erməni ictimaiyyətində yayılmış iddialar əsassız deyil:

“Sosial şəbəkələrdəki iddialar, yəqin, bu amilə görə tirajlanır. Demək olar ki, bu iddialar əsassız deyil. Sammitdə iştirak Ermənistanın Qərb havadarlarını narahat edə bilər. Digər tərəfdən, Paşinyanın üzrlü səbəb olmadan sammitdən yayınması onun MDB üzrə tərəfdaşları tərəfindən birmənalı qarşılanmaz. Bu baxımdan, ən yaxşı çıxış yolu xəstəliyi bəhanə edərək bu səfərdən yayınmaqdır”.