Avropa ölkələri ABŞ-ın İrana qarşı hərbi əməliyyatında gizli şəkildə əsas rol oynayaraq, Birləşmiş Ştatlar qoşunlarını bazalar, yanacaq və sursatla təmin edir.

Kainat.tv Publika.az-a istinadən xəbər verir ki, bu barədə “The Wall Street Journal” məlumat yayıb.

İddia edilib ki, son həftələrdə Böyük Britaniya, Almaniya, Portuqaliya, İtaliya, Fransa və Yunanıstandakı bazalarda ABŞ bombardmançı təyyarələri, dronları və gəmiləri yanacaqla doldurulub və silahlandırılıb. Hücum dronları isə Almaniyanın Ramşteyn şəhərindəki bazadan idarə olunur.

NATO-nun Avropadakı Müttəfiq Qüvvələrinin komandanı Aleksus Qrinkeviç də Senata bildirib ki, əksər Avropa müttəfiqləri ona böyük dəstək verib.

Qeyd edək ki, Avropada təxminən 40 ABŞ hərbi bazası var və orada 80 min ABŞ əsgəri xidmətdədir.