Rusiya alyansın üzvlərindən birinə hücum edərək NATO-nun müdafiəsini sınaqdan keçirməyi planlaşdırır.

Kainat.tv  xəbər verir ki, bu iddia ilə Almaniya Federal Kəşfiyyat Xidmətinin rəhbəri Bruno Kal çıxış edib.

“Biz çox ümid edirik ki, bu, doğru deyil və bu sınaqdan keçirildikdə çətin vəziyyətə düşməyəcəyik. Bununla belə, biz Rusiyanın bizi sınamaq, Qərbin birliyini yoxlamaq istəməsindən çıxış etməliyik”, – Bruno Kalın sözlərindən DPA agentliyi sitat gətirib.

Alman kəşfiyyatının baş zabiti Rusiya Silahlı Qüvvələrinin Ukraynadakı xüsusi əməliyyatının 2029 və ya 2030-cu ildə başa çatacağını güman edir.
"Bundan sonra Moskvanın Avropaya təhlükə yaratmaq üçün texniki, maddi və insan resurslarından istifadə etmək imkanı olacaq", - Kal belə hesab edir. //Publika.az