Kazan Beynəlxalq Hava Limanında pilotsuz uçuş aparatları (PUA) təhlükəsi səbəbilə “Kover” planı işə salınıb.

Kainat.tv Musavat.com-a istinadla xəbər verir ki, bu tədbir hava limanının fəaliyyətinin və sərnişinlərin təhlükəsizliyinin təmin edilməsi üçün tətbiq edilib.

Rəsmi mənbələrdən bildirilib ki, təhlükəsizlik tədbirləri çərçivəsində uçuşlar müvəqqəti olaraq dayandırılıb və müvafiq qurumlar hadisəni araşdırır. Hadisənin detalları barədə əlavə məlumat veriləcəyi gözlənilir.

“Kover” planı Rusiya hava limanlarında fövqəladə vəziyyətlər zamanı sərnişinlərin və personalın qorunması üçün tətbiq olunan xüsusi protokoldur. Hazırda hava limanının tam təhlükəsizliyinin təmin olunmasına yönəlik tədbirlər davam etdirilir.