Vaşinqtonun ərəb müttəfiqləri ABŞ-ı hərbi əməliyyat başlasa, İrana qoşun göndərmək lazım gələ biləcəyi və əməliyyatın uzanacağı barədə xəbərdar ediblər.

Kainat.tv Musavat.com-a istinadən xəbər verir ki, məlumatı "NewsNation" jurnalisti Kelli Meyer mənbəyə istinadən "X" hesabında paylaşıb:

"Yaxın Şərq rəsmisi mənə dedi ki, ərəb müttəfiqləri hücumlardan əvvəl ABŞ-ı hərbi əməliyyat başlatdıqları təqdirdə ABŞ-ın İrana qoşun göndərməli olacağı və əməliyyatın uzanacağı ssenarisinin ehtimal olunduğu barədə xəbərdar ediblər. Rəsmi əlavə etdi ki, İranla müqayisədə İraqa hücum “parkda gəzinti” kimi görünəcək".

Bundan əvvəl ABŞ dövlət katibi Marko Rubio ABŞ-ın hazırda İranda quru əməliyyatı planlaşdırmadığını bildirmişdi, lakin onun sözlərinə görə, ABŞ prezidenti məqsədlərinə çatmaq üçün bu ssenarini istisna etməyib.