Xəzər rayonu, Mərdəkan qəsəbəsi Almas İldırım küçəsində qanunsuz tikinti işlərinin aparıldığı bildirilib.

Vətəndaşların Tribuna.az-a göndərdiyi şikayətə əsasən tikinti prosesinin uzun müddətdir davam etməsinə baxmayaraq, məsələ ilə bağlı hər hansı rəsmi tədbir görülmür.

Yerli sakinlərin sözlərinə görə, dəfələrlə aidiyyəti qurumlara müraciət edilsə də, nəticə əldə olunmayıb.

Xəzər Rayon İcra Hakimiyyəti mövcud qanunsuzluğa göz yumur. Bu vəziyyət isə ərazidə yaşayan sakinlər arasında ciddi narazılıq yaradıb. Sakinlər hesab edirlər ki, tikinti həm şəhərsalma normalarını pozur, həm də ətraf mühitə və infrastruktura zərər vurur.

Məsələ ilə bağlı qarşı tərəfin – tikintini həyata keçirdiyi iddia olunan şirkətin və Xəzər Rayon İcra Hakimiyyətinin mövqeyini dərc etməyə hazırıq.

Qeyd edək ki, qanunvericiliyə əsasən, tikinti işləri yalnız müvafiq icra hakimiyyəti orqanlarının icazəsi əsasında aparılmalıdır. Mövzu tərəfimizdən izlənilir.




Kainat.tv