Müasir informasiya mühitində mətbuat xidmətinin əsas göstəriciləri operativlik, açıqlıq və etimaddır. 2025-ci ildə media nümayəndələrinin rəylərinə əsasən bu meyarları ən uğurla təmin edən mətbuat katiblərindən biri Azərbaycan Respublikasının Daxili İşlər Nazirliyinin Mətbuat Xidmətinin rəisi, polis polkovnik-leytenantı Elşad Hacıyev olub.

Jurnalistlərin sorğularına vaxtında və dolğun cavab verilməsi, ictimai əhəmiyyətli hadisələrə çevik reaksiya və rəsmi mövqenin aydın şəkildə çatdırılması onun fəaliyyətinin əsas xüsusiyyətlərindəndir. Media qurumlarının böyük əksəriyyəti Elşad Hacıyevi mətbuatla sağlam münasibət quran, məsuliyyətli və hazırlıqlı kommunikator kimi dəyərləndirir.

Kainat.tv xəbər verir ki, sürətlə yayılan informasiya və dezinformasiya şəraitində DİN-in mətbuat xidmətinin operativ açıqlamaları cəmiyyətin düzgün məlumatlandırılmasında mühüm rol oynayır. Bu baxımdan Elşad Hacıyev təkcə mətbuat katibi deyil, dövlət qurumu ilə ictimaiyyət arasında etibarlı ünsiyyətin formalaşmasına töhfə verən peşəkar kimi önə çıxır.

İşlərində uğurlar arzu edirik və fəaliyyətinin davamlı olaraq uğurla irəliləməsini gözləyirik.

Azər Məmmədov