Qırğızıstan baş nazirinin müavini Bakıt Torobayev Çin-Qırğızıstan-Özbəkistan dəmir yolu layihəsinin maliyyələşdirilməsi üçün kredit müqaviləsinin imzalanma mərasimində iştirak edib.
Saziş Çin-Qırğızıstan-Özbəkistan Dəmir Yolu Şirkəti MMC (birgə layihə şirkəti) ilə Çin İnkişaf Bankı və Çin banklarının sindikatı arasında bağlanıb.
Dəmir yolu layihəsinin ümumi dəyəri 4,7 milyard dollar olaraq qiymətləndirilir. Bu məbləğin yarısı, təxminən 2,3 milyard dolları, Çin tərəfindən üç ölkə tərəfindən yaradılan birgə layihə şirkətinə 35 illik kredit şəklində veriləcək.
Məbləğ birbaşa şirkət tərəfindən ödəniləcək. Qalan 2,3 milyard dollar şirkətin nizamnamə kapitalına üç ölkə tərəfindən aşağıdakı faiz nisbətində əlavə olunacaq:
Çin (51 faiz), Qırğızıstan və Özbəkistan (hər biri 24,5 faiz).


Kainat.tv