Əməkdar artist Vasif Məhərrəmli bəzi sənətçilərlə bağlı qalmaqallı fikirlər səsləndirib.

Bizim.Media xəbər verir ki, “Tarixin bir günü” verilişində qonaq olan Vasif bəzi sənət adamlarının efirə sərxoş halda çıxdığını iddia edib.

V. Məhərrəmli deyib ki, onlar içkili halda proqramlarda qonaq olublar:

“Zaman-zaman efirlərə sərxoş insanlar çıxarırlar. İçkili vəziyyətdə efirə çıxırlar, ağzının danışığını bilmirlər, ailələr, uşaqları, yaşlılar izləyir. Sənət adamı örnək olmalıdır. Necə ki, ailə dəyərlərindən danışırdıq, nümunəvi ata olan sənətçilərimiz var. Televiziyaya məbəd kimi baxmalıyıq, oyuncaq deyil, hər birimiz buradan yararlanıb, tərbiyələnirik. İstəsən də, istəməsən də, televiziyanı açıb Toliki, Zauru, digər aparıcıları izləyirsən. Televiziyada senzura olmalıdır, mahnılar da senzuradan keçməlidir. Görürsən ki, o adam efirə çıxacaq halda deyil, sərxoşdur, ya da başqa nəsə qəbul edib. Qoy, o kreslo boş qalsın. Sən də efirdə elan et ki, filankəs sərxoş gəlmişdi, tamaşaçımıza hörmət edib onu efirə çıxarmadıq”.




Kainat.tv