Danışmaq istəmirsən, amma mümkünatı yoxdur. Təhsildə baş verən iyrənclik xirtdəyə çıxıb.

2022-nin yayı olardı. MİQ imtahanlarını təşkil etmək üçün bunkerdə idim. Orada acınacaqlı vəziyyəti gördüm: bir sıra aparıcı kurs rəhbərlərini doldurublar içəri, bunlar da hamısı müəllimlərə öz öyrətdiklərini testlərə yamayırlar.

Bunkerden "azad olunandan" sonra gəldim, ilk növbədə, gecə ilə Vəfa Yaqubluya mesencerdən yazıb vəziyyəti bildirdim. Səhər Vəfa Yaqublu ilə telefonla danışdıq. Mən bir daha bildirdim vəziyyəti və soruşdum:

- Onlar niyə bunkerdədirlər?

Cavabı belə oldu:

- Bəs kim olmalıdır?

Nəzakət Mehdiyevanın otağına gedib vəziyyəti onunla da müzakirə etdim. Nəzakət Mehdiyeva, xarakterindən acığım gəlsə də, düzünü deyim ki, bütün dövrlərin adamı olduğu üçün konkret heç bir qruplaşmanın üzvü deyil, ona görə, yeri gələndə, bunların hamısından daha düzgün danışır. Nəzakət xanım vəziyyəti mənə belə izah etdi:

- Aynur Rüstəmova yanımda oldu, X-lə bərabər idilər. Bunlar ikisi də bir-birlərini müəllimləri üstümüzə qaldırmaqda ittiham etdilər. İkisi də bir-birinin üstünə atdılar. Kişi mənim qarşımda Aynurun üzünə tüpürüb dedi ki, niyə yalan danışırsan, etirazı təşkil edən sən deyilsənmi. Mən də bunları içəriyə saldım ki, çöldə qalıb camaatı üstümüzə qaldırmasınlar. Başqa yolum yox idi.

Amma sonuncu məsələ onun dediyi kimi deyildi. Kurslar Nazirlikdə oturan adamlarındır, hamısının yumruğu Nəzakətin başına dəyirdi. O da hamısının könlünü xoş etmək üçün, Nizami müəllimin sözü olmasın, "optovoy" bunları atıb içəri. Allah bunların hamısını elə "içəri atsın", içlərində bir nəfər belə sağlam adam yoxdur... Hə, sonra Emin Emrullayevin də səsi çıxdı: "O filankəs bunkerdə nə edir? - deyib öz mafiyasından olmayan bir nəfərin bunkerə daxil olmağına qadağa qoydu.

Təhsildə baş verənlərin mətbəxi budur.

İndi qırın bir-birinizi.

Könül Aydın

Elm və Təhsil Nazirliyinin sabiq əməkdaşı

P.S.Yazı müəllifin Feysbuk-dakı hesabından götürülüb.

MİA.AZ


Kainat.tv