Terror təşkilatı olan PKK Suriyada ələ keçirdiyi ərazilərdən İraqın şimal hissəsinə uzunluğu 2000 kilometrdən çox olan üç tunel qazıb.

Ölkə.Az "haber7"yə istinadən xəbər verir ki, Suriyanın Əl-Xatuniyyə bölgəsindən başlayaraq İraqın Sincar rayonuna qədər uzanan 3 ayrı terror tuneli aşkarlanıb. Bildirilir ki, başlanğıc və bitiş nöqtələri eyni olan tunellər ABŞ-nin son silahlarının daşınmasında səmərəli istifadə olunur.
Tunellərdən həmçinin İŞİD yaraqlılarının daşınması, PKK kadrlarının İraq və Suriya arasında keçidi, qızıl, narkotik və yanacaq qaçaqmalçılığı üçün də fəal istifadə olunur.

Nəşrin yazdığına görə, irimiqyaslı daşımaların gecə vaxtı və intensiv hava nəzarəti dəstəyi altında həyata keçirildiyi bildirilir.

Nəşr qeyd edir ki, bu yoldan İran və onun dəstəklədiyi Haşdi Şabi təşkilatı da istifadə edir. 
Əldə edilən məlumata görə, Qəndil rəhbərliyi Suriya-İraq oxundakı bu qanunsuz keçidlərdən ildə təxminən 1 milyard dollar qazanır.