Türkiyə Prezidenti Rəcəb Tayyib Ərdoğan, martın 5-də Azərbaycan Prezidenti İlham Əliyev ilə görüşü zamanı İğdır-Naxçıvan qaz kəmərinin əhəmiyyəti barədə açıqlamalar verib.
Musavat.com-un Türkiyə mediasına istinadən xəbərinə görə, o qeyd edib ki, bu layihə sayəsində Naxçıvanın təbii qaza olan tələbatı ən azı 30 il ərzində təmin olunacaq.
Ərdoğan, həmçinin öz vəzifədaşları ilə birgə Ermənistanla sülh danışıqları və digər mühüm məsələlər barədə də müzakirələr apardıqlarını əlavə edib.
Xatırladaq ki, İğdır-Naxçıvan qaz kəmərinin açılışı martın 5-də Ankarada videobağlantı formatında keçirilib. Tədbirdə həm Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan iştirak ediblər.
Yeni qaz kəmərinin Naxçıvanın qaz təchizatını şaxələndirmək və həm Naxçıvan, həm də İğdır əhalisinin həyat şəraitini yaxşılaşdırmaq məqsədi güddüyü bildirilib. Əlavə olaraq, kəmərin hazırkı maksimum ötürmə gücü 730 milyon kubmetr təşkil edir, lakin layihənin gələcəkdə genişləndirilməsi üçün imkanların mövcud olduğu vurğulanıb.