“Trampın İranı hədəf seçməsi Azərbaycan və Türkiyənin Zəngəzur dəhlizi planının önünü aça bilər. Çünki regionda bu layihəyə qarşı çıxan və Ermənistanı dəstəkləyən yeganə ölkə İrandır”.

Kainat.tv Publika.az xəbər verir ki, bu barədə erməni politoloq Artur Xaçikyan deyib.

Onun iddiasına görə, hazırda Azərbaycan və Türkiyə lobbisi Tramp Administrasiyası ilə fəal işləyir, Ermənistanın isə bu işi görəcək peşəkar kadrları yoxdur: “Erməni diasporunun nümayəndələri bildirirlər ki, Tramp üçün Ermənistanın əhəmiyyəti yoxdur, ABŞ-ın yeni hakimiyyətinin müttəfiqi Azərbaycan və Türkiyədir”.

Tramp ABŞ-ı Ukrayna münaqişəsindən çıxarmaq və resursları Yaxın Şərqə yönəltmək istəyir.

“Bu prosesdə İrana hücum edilə bilər və ya Vaşinqton Tehranı nüvə proqramından geri addım atmağa məcbur edə bilər. Bu baş verməsə, İrana hücum başlanacaq. İranın üzərində qara buludlar toplanır, bu isə regionda Ermənistan üçün risklidir”, - o iddia edib.