Maskatda keçirilən İran-ABŞ danışıqları yaxın günlərdə uzana və davam edə bilər.

Kainat.tv Musavat.com-a istinadən xəbər verir ki, bu barədə İran dövlət televiziyası məlumat yayıb.

"Əl-Cəzirə" telekanalının məlumatına görə, tərəflər mövcud fikir ayrılıqlarını həll edə və ya aradan qaldıra biliblər. Həm İran, həm də ABŞ nümayəndələri danışıqların prinsiplərini Oman vasitəçisinə təqdim ediblər.

Telekanal bildirir ki, görünən odur ki, hər iki tərəf gələcək iş üçün əsas yarada bilib və bu, müsbət addım kimi qiymətləndirilir.

Eyni zamanda, iranlı din xadimi Əhməd Əlamolxoda ABŞ-la danışıqları “siyasi oyun” adlandırıb.

Onun sözlərinə görə, hərbi təzyiq altında aparılan danışıqlar ciddi və real xarakter daşımayıb:

"Silahların və təyyarələrin havada olduğu danışıqlar etibarlı deyil. İran müharibədən qorxmur və rəqibləri Tehranın hərbi gücündən ehtiyat edirlər", - İran dövlət mediası onun sözlərini sitat gətirib.