Vyetnamın Donq Nai əyalətində hərbi təlim zamanı fəlakət baş verib.

Kainat.tv  xəbər verir ki, ölkənin rəsmi yayımçısı tərəfindən verilən açıqlamada, bazar ertəsi hərbi atış poliqonunda təlim zamanı baş verən partlayışda 12 əsgərin həyatını itirdiyi bildirilib.

Bəzi əsgərlərin cəsədlərinin hələ də tapılmadığı və axtarışların davam etdiyi bildirilib.

Partlayışın səbəbi hələ açıqlanmasa da, rəsmilərə görə, partlayıcının əsgərlərin döyüş sursatı daşıyarkən ildırım vurması nəticəsində işə düşdüyü təxmin edilir.

Müdafiə Nazirliyi hadisə ilə bağlı təcili araşdırma aparılmasına göstəriş verib. //News24.az