İran nümayəndə heyəti Ermənistanda Türkiyə ilə gizli danışıqlar aparır.

Kainat.tv Publika.az-a istinadən xəbər verir ki, bu barədə “Yerevan Observer” Telegram kanalı məlumat yayıb.

Nəşr bildirir ki, "İran və Türkiyə nümayəndə heyətləri arasında gizli danışıqlar Ermənistan ərazisində, İrəvan yaxınlığında aparılır".

Qeyd olunur ki, hesabatlar Ermənistan Təhlükəsizlik Şurasındakı mənbələrdən alınan məlumatlara əsaslanır. Danışıqların konkret mövzuları göstərilməyib.

Türkiyə Prezidenti Rəcəb Tayyib Ərdoğan bir müddət əvvəl Ankaranın Yaxın Şərqdəki mövcud münaqişədən kənarda qalmağa sadiq olduğunu bildirmişdi. O, Türkiyənin öz maraqlarını rəhbər tutaraq suveren qərarlar qəbul etmək niyyətində olduğunu bildirmişdi.