"Sülh Körpüsü" təşəbbüsü çərçivəsində fevral ayında Azərbaycan nümayəndələri ilə keçirilən görüşə təxminən 14,5 milyon dram (65 min manat) xərclənib.

Kainat.tv Publika.az-a istinadən xəbər verir ki, bu barədə Ermənistan Təhlükəsizlik Şurası “Sputnik Ermənistan”ın sorğusuna cavab olaraq məlumat verib.

Təhlükəsizlik Şurasının mətbuat xidmətindən verilən məlumata görə, "13-14 fevral tarixlərində Azərbaycanla birlikdə həyata keçirilən "Sülh Körpüsü" təşəbbüsü çərçivəsində keçirilən tədbir dövlət vəsaiti hesabına maliyyələşdirilib. Ümumi xərclər təxminən 14.469.000 dram (təxminən 38.000 dollar) təşkil edib".

Xatırladaq ki, 13-14 fevral tarixlərində Ermənistanda Ermənistan və Azərbaycan nümayəndələri ilə ikitərəfli dəyirmi masa müzakirəsi keçirilib.