“Tavuşda yeni birtərəfli güzəştlər gözlənilir. Sərhədin demarkasiyası bəhanəsi ilə bu dəfə Kirants-Voskepar bölgəsindəki ərazilərin verilməsi planlaşdırılır”.

Kainat.tv erməni mediasına istinadən xəbər verir ki, bu barədə yerli “Hraparak” qəzeti yazıb.

Qəzetdəki yazıdan belə anlaşılır ki, ermənilər sərhəddə yeni təxribata hazırlaşırlar.

Kirants sakini Andranik Nazaryanın sözlərinə görə, söhbət son dərəcə strateji əhəmiyyətə malik “Voskepar üçbucağı” adlanan ərazidən gedir. Onun sözlərinə görə, həmin ərazi təhvil verilsə, bir neçə obyekt, o cümlədən qaz kəməri və yol Azərbaycanın nəzarətinə keçəcək.

“Ötən il “Vətən uğrunda Tavuş” hərəkatı zamanı fəallıq göstərən yerli sakinlər küçələrə çıxıb döyüşməyi planlaşdırırlar. Ancaq bizə dedilər ki, rəhbərlik problemi var.
İnsanlar savaşmaq istəyirlər, lakin dövlətin repressiv aparatına qarşı tək gücsüz olduqlarına inanırlar. Onlara güclü, ağıllı və dönməz lider lazımdır”,-deyə Nazaryan qəzetə danışıb.

Musavat.com