Ermənistan hökuməti Azərbaycanda hərbi cinayətkarlıq və digər ittihamlarla məhkəmə qarşısına çıxarılan erməniləri geri qaytarmağı planlaşdırır.

Kainat.tv xəbər verir ki, Ermənistan parlamentinin spikeri Alen Simonyan məhəkəmə prosesi bitəndən sonra həmin ermənilərin Azərbaycandan ala biləcəklərinə ümid etdiklərini açıqlayıb.

O bildirib ki, Ermənistan hökuməti məhkəmə prosesini yaxından izləyir.

“Lakin reaksiya verməyə ehtiyac görmürük. Ümid edirik ki, məhkəmə prosesi başa çatdıqdan sonra bu adamların hansısa yolla geri qaytarılması, birtəhər azadlığa buraxılmasının müzakirəsi ilə bağlı imkan yaranacaq”, - o bildirib.

Qeyd edək ki, Araik Arutyunyan, Arkadi Qukasyan, Bako Saakyan, Ruben Vardanyan və digərlərinin məhkəmə prosesi davam edir. //Publika.az