İsrail Ordusunun Baş Qərargah rəisi Herzi Halevi İranın yaxın günlərdə İsrailə qarşı “ifrat” tədbirlər görməyə qərar verəcəyi təqdirdə hərbçilərə yüksək döyüş hazırlığına keçməyi əmr edib.

Kainat.tv-nin xəbərinə görə, bu barədə “Today in Israel” portalı məlumat yayıb.

İsrail mediasının xəbərinə əsasən, bu tədbir İranın Livan və Suriyadakı fəlakətli fiaskosundan sonra çoxsaylı problemlərlə üzləşdiyi bir vaxta təsadüf edir. Bu, həmçinin İranda valyuta məzənnəsinin aşağı düşməsinə, infrastrukturla bağlı problemlərlə üzləşdiyi bir vaxta və siyasi iğtişaşların başlaması anına təsadüf edə bilər.

Mənbələr həmçinin “Donald Trampın Ağ Evə qayıtması ərəfəsində İranda qeyri-müəyyənliyin hökm sürdüyünü” qeyd edirlər.

“Bütün bunlar İsraili İranın zərbə endirməsi ehtimalına hazır olmağa və ordunu müxtəlif ssenarilərə hazırlamağa məcbur edir”, - deyə xəbərdə qeyd olunub. //Musavat.com