Suriyada müxalifətin Prezident Bəşər Əsəd rejimini devirməsindən sonra dünyanın bir çox ölkəsində məcburi köçkün kimi yaşayan suriyalılar küçələrə çıxaraq olanları qeyd ediblər. 

Kainat.tv xəbər verir ki, əsasən Türkiyədə illərdir yaşayan milyonlarla suriyalı fərqli vilayətlərdə küçələrə çıxıb, bayraq qaldıraraq bayram ediblər.

Onların əksəriyyəti ölkələrinə qayıdacağını açıqlayıblar. Əsəd rejiminin devrilmə xəbərindən sonra artıq Türkiyədən böyük köçün başladığı bildirilir. Məlumata görə, Suriya ilə sərhəddə yerləşən Cilvəgözü keçid məntəqəsində uzun növbə yaranıb. Çox sayda suriyalı ölkələrinə qayıtmaq üçün sərhəddə gəliblər.

Bildirilir ki, onların əkəsiyyərinin pasportu alınır və “könüllü şəkildə qayıdış” olaraq rəsmi sənədlərdə qeyd edilir. Ölkəsinə birdəfəlik qayıdanlar sərhəddən problemsiz şəkildə buraxılır. Lakin müvəqqəti dönüş etməyə çalışanların keçidinə icazə verilmir. Həmçinin Türkiyədə vergi, nəqliyyatda qayda pozuntusu kimi cəriməsi olanlara qeyd edilən məbləği ödəyənə kimi Suriyaya qayıda bilməyəcəkləri deyilib.

Sözügedən məlumat və köçlə bağlı yayılan görüntülər Türkiyə ictimaiyyətində çox müsbət qarşılanıb. Xüsusilə son illərdə ölkədə Suriya və ərəb ölkələrindən olan qaçqın, məcburi köçkünlərdə bağlı narazılıqlar artmışdı. Bu fonda sözügedəb şəxlərin sürətli köçü, onların sülh içində doğma ölkələrinə qayıdışı Türkiyə ictimaiyyətində ciddi təqdir edilir. //Globalinfo.az