"2014-cü ildə hakimiyyət dəyişikliyi olmasaydı, Krım Ukraynanın tərkibində qalacaqdı".

Kainat.tv xəbər verir ki, bunu Rusiyanın xarici işlər naziri Sergey Lavrov amerikalı jurnalist Taker Karlsona müsahibəsində deyib.

“2014-cü ilin fevral ayında dövlət çevrilişi olmasaydı və o vaxtkı prezident Viktor Yanukoviç ilə müxalifət arasında bir gün əvvəl əldə edilmiş razılaşma həyata keçirilsəydi, Ukrayna hələ də vahid və Krım da onun tərkibində olardı”, - Lavrov bildirib.

Nazirin sözlərinə görə, Rusiya tərəfi Donbassda 2014-cü ildə başlayan münaqişənin sona çatmasında səmimi maraqlıdır, lakin bunun üçün Ukraynanın yeni qurulmuş hökuməti tərəfindən “sabotaj edilmiş” Minsk razılaşmasının yerinə yetirilməsi lazım idi.

Lavrov əlavə edib ki, bu hökumət hakimiyyət dəyişikliyini qəbul etməyən insanlarla birbaşa dialoqa girməli və iqtisadi əlaqələrin inkişafına kömək etməli idi, lakin bunların heç biri edilmədi.

Dekabrın 5-də Ukrayna Prezidenti Volodimir Zelenski Budapeşt Memorandumunun Rusiya-Ukrayna münaqişəsinin on ili ərzində işləmədiyini bildirib. //Publika.az