Kainat.tv xəbər verir ki, bu sözləri Globalinfo.az-a politoloq Əlimusa İbrahimov deyib.
Onun sözlərinə görə, Qəzzada əməliyyat sona çatmaq üzrədir:
“Yəni bu qruplaşmanın fəal üzvləri zərərsizləşdirilib. Sağ qalan üzvlər isə müharibə səhnəsini tərk edərək qonşu ölkələrə yerləşiblər. İsrail Livanda da eyni hərəkəti etməyi planlaşdırır. Livanda əməliyyatlar uğurlu alınır. Düşünürəm ki, Livan İsrail üçün daha ciddi sınaq meydanıdır və eyni zamanda İranı münaqişəyə cəlb etmək üçün ən yaxşı vasitədir.
Əlimusa İbrahimov
İsrailin əsas məqsədi İranı ona cavab zərbələri endirməyə təhrik etmək və bununla da Amerika-İran müharibəsinə nail olmaqdır. Bayden administrasiyası zamanı Netanyahu buna nail ola bilmədi. İndi Trampın münasibətini yoxlamağa çalışır. Əgər Tramp İsrailin gözlədiyi reaksiyanı verərsə İrana qarşı müharibə qaçılmaz olacaq.
İranın isə gözləməkdən məqsədi Trampla razılaşmaya nail olmaqdır. Çünki Tramp bir qədər çətindir. Amma İran da əvvəlki İran deyil. Trampın İranla münasibətlərə yeni baxışı hələ məlum deyil. Bunun üçün 2025-ci ilin Yanvar ayını gözləmək lazım gələcək”.
