Türkiyə Prezidenti Rəcəb Tayyib Ərdoğan hökumətin gündəliyinə növbədənkənar prezident və parlament seçkilərinin keçirilməsi məsələsinin daxil olmadığını, səsvermənin 2028-ci ildə Konstitusiyaya uyğun olaraq keçiriləcəyini bildirib.
Kainat.tv TASS-a istinadən xəbər verir ki, o, müxalifətdə olan Cümhuriyyət Xalq Partiyasının (CHP) sədri Özgür Özelin vaxtından əvvəl səsvermə keçirmək çağırışlarına belə cavab verib.
"Ona (Özelə - red.) bir daha xatırladıram. Konstitusiya və seçki qanunu dəyişmədiyi üçün 2028-ci ildə prezident və parlament, 2029-cu ildə isə bələdiyyə seçkiləri keçiriləcək. Cənab Özel, sizin öz nöqteyi-nəzəriniz ola bilər və təqvimdə istənilən bazar gününə barmağınızı qoyub deyə bilərsiniz ki, məhz bu gün seçki keçirilməlidir. Lakin hakimiyyət və xalqın belə bir gündəmi yoxdur", - deyə Ərdoğan parlamentdə çıxışı zamanı bildirib.