Rusiya doqquz Tu-95MS strateji bombardmançı təyyarəsini və üç Tu-160 xüsusi raket daşıyıcısını havaya qaldırıb.

Kainat.tv xəbər verir ki, bu barədə "Gazeta" nəşri məlumat yayıb. Məlumata görə, təyyarələr qanadlı raketlərin buraxılışı üçün nəzərdə tutulan nöqtəyə doğru hərəkət edir. Ekipajların marşrutları və missiyaları haqqında əlavə məlumat açıqlanmayıb.

Xatırladaq ki, bundan öncə Rusiya Xarici Kəşfiyyat Xidmətinin (SVR) mətbuat bürosu Ukrayna hava hücumundan müdafiə sistemlərinin və F-16 qırıcılarının Rusiyaya məxsus hava hədəflərini vura, onlara nəzarəti ələ keçirə bilməməsi barədə məlumat yaymışdı.

Qeyd edək ki, Tu-95MS müasir X-101/X-102 də daxil olmaqla, nüvə və ya adi döyüş başlıqları olan qanadlı raketləri daşıyan təyyarələrdir. Bu təyyarələr Rusiyanın nüvə triadasının əsas elementi sayılır. //Publika.az