İsrail və Türkiyə arasında keçirilən danışıqlarda tərəflər Suriyada hərbi toqquşmaların qarşısını almaq üçün xüsusi “qaynar xətt”in yaradılması barədə razılığa gəliblər.

Kainat.tv Globalinfo.az-a istinadən xəbər verir ki, bu barədə “Middle East Eye” nəşri məlumat yayıb. Bildirilir ki, razılaşma Azərbaycan tərəfinin vasitəçiliyi ilə əldə olunub.

Məlumata görə, Türkiyə Suriyada quru qüvvələrini – o cümlədən zirehli texnika və piyadaları – yerləşdirmək təklifi irəli sürüb. Lakin bu şərtlə ki, həmin mövqelərdə İsrail Hərbi Hava Qüvvələrinin (İHHQ) hərəkətini qeydə ala biləcək hava hücumundan müdafiə sistemləri və radiolokasiya qurğuları yerləşdirilməsin. İsrail isə bu yerdəyişmələrin İHHQ əməliyyatlarına təhlükə yaratmadığı təqdirdə bu təklifə müsbət yanaşdığını bildirib.

Qeyd olunub ki, danışıqlar Azərbaycan vasitəçiliyi ilə hələ də davam edir.