İran üzərində hava məkanının bağlanması nəticəsində bir sıra beynəlxalq aviaşirkətlər Heydər Əliyev Beynəlxalq Aeroportuna təcili eniş sorğusu ilə müraciət edib.

Bakı hava limanına uğurla eniş edənlər sırasında “Jazeera Airways”aviadaşıyıcısının Moskva (DME) – Küveyt reysi, “Fly Dubai”ın Budapeşt, Moskva (VKO), Minsk, Kazan və Sankt-Peterburqdan Dubaya olan uçuşları, eləcə də “Air Arabia” aviaşirkətinin Moskva – Şarja reysi yer alır.

Bəs növbəti təcili enişlər gözlənilirmi? Heydər Əliyev Beynəlxalq Aeroportuna eniş edən təyyarələr hələ də Bakıdadır?

Kainat.tv xəbər verir ki, Modern.az məsələ ilə əlaqədar Heydər Əliyev Beynəlxalq Aeroportu ilə əlaqə saxlayıb.

Heydər Əliyev Beynəlxalq Aeroportunun sözçüsü Nərmin Xəlilova saytımızın sorğusuna belə cavab verib:

"İndiki saata heç bir təyyarənin təcili enişi gözlənilmir. Çünki İran hava məkanının açılması ilə bağlı artıq məlumat yayılıb. Burada olan təyyarələr, artıq tədricən öz təyinat nöqtələrinə yola düşürlər".