"Zaqatala rayonu Muxax kənd sakini anafilaktik şokdan həyatını itirib".

Bu məlumat Oxu.Az-ın sorğusuna cavab olaraq Tibbi Ərazi Bölmələrinin İdarəetmə Birliyindən (TƏBİB) verilib.

"1987-ci il təvəllüdlü şəxslə bağlı 13 noyabr saat 22:30-da Zaqatala Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub. Ünvana təcili yardım briqadası cəlb olunub.

Göstərilən zəruri tibbi yardıma baxmayaraq, saat 23:13-də anafilaktik şok diaqnozu ilə şəxsin ambulansda xəstəxanaya qədər ölüm faktı qeydə alınıb.

Mövcud protokollara uyğun olaraq xəstəxanaya çatdırıldıqdan sonra da bütün reanimasiya tədbirlər görülsə də, ölüm faktı öz təsdiqini tapıb", - deyə məlumatda bildirilir.



Zaqatala sakini xəstəxanada ölüb.

Lent.az-ın məlumatına görə, Muxax kənd sakini 37 yaşlı Rəfael Məhəmməd oğlu Ramazanov anafilaktik şok nəticəsində xəstəxanada dünyasını dəyişib.

Faktla bağlı araşdırma aparılır.

Kainat.tv
Qeyd edək ki, bundan əvvəl bir neçə gün ərzində rayon xəstəxanasında 4 körpə vəfat etmişdi.