Naxçıvan Yol Təchizat “Improtex Trucks and Buses” şirkəti ilə yeni alqı-satqı müqaviləsi bağlayıb.
İqtisadiyyat.az xəbər verir ki, müqavilədə özüboşaldan yük avtomobillərinin satınalınması nəzərdə tutulur.

Naxçıvan Yol Təchizat 22 özüboşaldan, 1 ədəd isə dartıcı yük avtomobili sifariş edib.

Müqaviləyə əsasən, alqı-satqı 7 milyon manata başa gələcək.

Məlumat üçün bildirək ki, “Improtex Trucks and Buses” şirkətinin hazırda Dövlət Vergi Xidmətinin Bakı şəhəri Lokal Gəlirlər Baş İdarəsinə 360 150.67 manat vergi borcu mövcuddur. Qanunvericiliyə görə isə vergi borcu olan şirkətin satınalmalarda iştirakı yolverilməzdir.

Onu da qeyd edək ki, bu şirkət Azərbaycanın keçmiş əmək və əhalinin sosial müdafiəsi naziri Füzuli Ələkbərova məxsusdur. O, nazir işlədiyi müddətdə holdinqə onun həyat yoldaşı - İradə Ələkbərova rəhbərlik edib. İradə Ələkbərova 2020-ci ildə 62 yaşında koronavirusdan dünyasını dəyişib. 2005-ci ildə qeydiyyata alınan şirkətin hazırda qanuni təmsilçisi Mühəmməd Fərid Abdullayevdir.


Kainat.tv