"Kəpəz”in baş məşqçisi Azər Bağırov istefa verib.
Kainat.tv xəbər verir ki, bu gün Azərbaycan Premyer Liqasının 36-cı turunda “Turan Tovuz”a qarşı keçirilən oyundan sonra təşkil edilən mətbuat konfransında Bağırov klubdan ayrıldığını bildirib. O, Gəncə klubu ilə qarşılıqlı razılıq əsasında vidalaşdığını söyləyib. 
Qeyd edək ki, bu gün “Turan Tovuz”a 0:4 hesabı ilə uduzan “Kəpəz” mövsümü 32 xalla 9-cu pillədə başa vurub və Premyer Liqada qalmağı bacarıb.