2022-ci ildə Ukrayna Silahlı Qüvvələrinin (AFU) generalları Belarus prezidenti Aleksandr Lukaşenkoya zəng edərək Rusiyaya təslim olmaq üçün Rusiya prezidenti Vladimir Putinlə əlaqə saxlamağı xahiş ediblər.

Kainat.tv xəbər verir ki, bu barədə Lukaşenko Avrasiya təhlükəsizliyinə dair konfransda bildirib.

“Ukraynalı generallar mənə zəng edərək müharibəni dayandırmaq və təslim olmaq üçün Putinlə əlaqə saxlamağımı istədilər”, - deyə Belarus prezidenti bildirib.

Lukaşenko Belarusun Ukraynaya təcavüzü ilə bağlı ittihamlara cavab verib. O vurğulayıb ki, Rusiya Silahlı Qüvvələrinin hücuma keçməsinə səbəb naməlum şəxslərin təxribatı olub.

Belarus liderinin sözlərinə görə, Qərb siyasətçiləri və Papa xüsusi hərbi əməliyyata başlayandan sonra Putini qoşunları Kiyevdən çıxarmağa razı salmağa çalışıblar. O əlavə edib ki, müraciətlərin və qoşunların çıxarılmasının nəticəsi münaqişənin uzanması olub.

Lukaşenko bir qədər əvvəl Belarusun Ukrayna üzrə danışıqlarda iştirakının vacibliyini bəyan edib. Onun sözlərinə görə, Minsk üçün söhbət öz təhlükəsizliyini təmin etməkdən gedir. //Publika.az