Gürcüstanda parlament seçkilərində səslərin sayılması prosesi başa çatıb.

Kainat.tv xəbər verir ki, bu barədə ölkənin Mərkəzi Seçki Komissiyası (MSK) məlumat yayıb.

Qeyd edilir ki, 3 111 məntəqədən 3 110-nun bülletenlərinin nəticələrinə əsasən hakim “Gürcü Arzusu” Partiyası 53,93 % (1118,796 səs) toplayıb.

Dörd müxalifət partiyası cəmi 37,78 % səs yığa bilib. Onlardan “Dəyişiklik Koalisiyası” 11,04 %  (228 821 səs); ”Vahidlik – Milli Hərəkat” 10,16 % (210 787 səs); ”Güclü Gürcüstan” 8,81 % (182 839 səs); ”Qaxariya – Gürcüstan naminə” Partiyası isə 7,77 %  (161,215 səs) yığıb.

Gürcüstan Mərkəzi Seçki Komissiyasının sədri Giorgi Kalandarişvilinin sözlərinə görə, Marneulidəki seçki məntəqələrinin birində seçkinin nəticələri ləğv edilib, Duşetidəki digər seçki məntəqəsindən isə protokol daxil olmayıb.

***

Hakim “Gürcüstan Arzusu – Demokratik Gürcüstan” partiyası 99,26 % (3 111-dən 3 088) məntəqənin səsvermə bülletenlərinin hesablanması nəticəsində 54,23 % səslə parlament seçkilərində qalib gəlir.

***

Gürcüstanda keçirilən parlament seçkilərində hakim Gürcü Arzusu Partiyası qələbə qazanıb.

Kainat.tv xəbər verir ki, Gürcüstanın Mərkəzi Seçki Komissiyasının məlumatına görə, 3018 (97,011%) seçki məntəqəsində səslər hesablanıb.

Hazırkı nəticəyə görə, “Gürcü Arzusu” 54,24%, müxalifət koalisiyası isə 37,33% səs toplayıb. //Globalinfo.az