ABŞ hakimiyyəti İran rəhbərliyini İsrailin hücumuna cavab verməkdən imtina etməyə və zərbə mübadiləsinə son qoymağa çağırıb.

Kainat.tv Türkiyənin "Anadolu" Agentliyinə istinadən xəbər verir ki, bu barədə Amerika administrasiyasının nümayəndəsi brifinqdə bildirib.

Onun sözlərinə görə, oktyabrın 26-na keçən gecə İsrailin İrana hücumu zərbə mübadiləsini tamamlamalıdır. O, həmçinin qeyd edib ki, İsrailin zərbələri “dəqiq” və “məqsədli” olub.

“Bu, İsrail və İran arasında zərbə mübadiləsinə son qoymalıdır. Əgər İran cavab vermək qərarına gəlsə, o zaman biz İsraili müdafiə etməyə və İsraili dəstəkləməyə tam hazırıq və bu qərarın nəticələri olacaq”, - Vaşinqton sözçüsü bildirib. //Publika.az