ABŞ prezidenti Donald Trampın Panama kanalını ABŞ nəzarətinə qaytarmaq niyyəti ilə bağlı bəyanatları fonunda ABŞ dövlət katibi Marko Rubio gələn həftə Panamaya getməyə qərar verib.

Kainat.tv Publika.az xəbər verir ki, bu barədə “Bloomberg” vəziyyətlə tanış olan mənbəyə istinadən məlumat yayıb.

"Rubio gələn həftə Latın Amerikası turu çərçivəsində Panamaya getməyi planlaşdırır", - hesabatda qeyd olunur.

Rubio həmçinin Qvatemala , El Salvador və Kosta Rikaya səfər edəcək. Bunun Rubionun vəzifəyə gəldikdən sonra ilk xarici səfəri olacağı gözlənilir.

İnauqurasiya günü Donald Tramp Çinin Panama kanalına nəzarəti ələ aldığını elan edib. Amerikanın CNN kanalı qeyd edib ki, Ağ Evin yeni sahibinin sözlərinin doğruluğuna dair heç bir sübut yoxdur. Eyni zamanda Çin Xarici İşlər Nazirliyinin sözçüsü Mao Ninq bəyan edib ki, Çin heç vaxt Panama kanalının idarə olunmasına müdaxilə etməyib.