İsrailin təhlükəsizlik sistemində ən yüksək döyüş hazırlığı elan olunub.

Kainat.tv Musavat.com-a istinadən xəbər verir ki, ölkənin mülki müdafiə xidməti və fövqəladə qurumları mümkün İran hücumu ehtimalı ilə bağlı xüsusi təlimatlar alıb.

Yerli Ynet portalının yazdığına görə, İsrail rəsmiləri ABŞ-ın İrana zərbəsini artıq qaçılmaz hesab edir. Bu ssenaridə Təl-Əvivin Vaşinqtona qoşulacağı və nəticədə İran tərəfindən cavab hücumu ilə üzləşəcəyi gözlənilir.

Məlumata əsasən, sığınacaqların hazırlıq vəziyyəti yoxlanılır, fövqəladə xidmətlərin operativ planları yenilənir, əhaliyə xəbərdarlıq sistemləri aktivləşdirilir.