Kainat.tv xəbər verir ki, 2025-ci il Bakıda yaddaşlara möhtəşəm atəşfəşanlıqla yazıldı. Paytaxtın ürəyi olan Bakı Bulvarı, ilin ən gözlənilən tədbiri üçün xüsusi bəzədilib və xüsusi texnologiya ilə atəşfəşanlığı təmin edib.

Unudulmaz görüntülər yaradan atəşfəşanlıq, həm şəhər sakinlərinə, həm də turistlərə unikal və valehedici anlar bəxş etdi. Bu görkəmli tədbirin ardınca Bakı, həm estetik, həm də emosional mənada, hər kəsin könlünü fəth etdi.

Musavat.com müxbiri bu sehrli gecənin ən maraqlı anlarını Bakının ən yüksək nöqtələrindən lentə aldı. Oxucularımız üçün bu xüsusi görüntüləri təqdim edir və sizi bir daha bu möhtəşəm atmosferi hiss etməyə dəvət edirik.

Bakı, sən həmişə olduğu kimi yenə də gözəlsən!

Kainat.tv xəbər portalı Dünya Azərbaycanlılarına və Türk dünyasına 2025-ci ilin gəlişi münasibətilə, eyni zamanda, 31 Dekabr - Azərbaycanlıların Həmrəylik Günü münasibətilə səmimi təbriklərini çatdırır.

Bu günlər həm Azərbaycan xalqının milli birliyini, həm də Türk dünyasının sarsılmaz bağlarını simvollaşdırır. Yeni Müsavat Media Qrupu olaraq, qarşıdan gələn ildə hər birinizə sağlamlıq, xoşbəxtlik, birlik və firavanlıq arzu edirik.

Həmrəylik Günü və Yeni İliniz mübarək olsun!