Məlumata görə, Murad Əsgər oğlu Ağayev Beyləqan icra başçısının köməkçisi təyin olunub.
Xatırladaq ki, Murad Ağayev Əziz Əzizovun bacısı oğludur. Əziz Əzizov 2006-2018-ci illərdə Cəlilabad Rayon İcra Hakimiyyətinin başçısı vəzifəsində çalışan zaman Murad Ağayev bir neçə il onun sürücüsü kimi fəaliyyət göstərib.
Əziz Əzizov Bakı Şəhəri Yasamal Rayon İcra Hakimiyyətinin (02.02.2018-12.11.2019) və Suraxanı Rayon İcra Hakimiyyətinin (12.11.2019-08.07.2024) başçısı vəzifəsində işləyərkən isə Murad Ağayev onun köməkçisi olub.
Məlumat mətbuatda dərc olunduqdan sonra - 18 avqust 2021-ci ildə Əziz Əzizov bacısı oğlunu vəzifədən azad edib.
Kainat.tv bildirir ki, Yasamal və Suraxanı rayonlarında icra başçısı işləımiş Əziz Əzizov bacısı oğlu Murad Ağayevi köməkçi təyin etmişdi. Həmin dönəmlərdə dayı və bacı oğlu ilə bağlı PA-na edilən etirazlar, şikayətlər sayəsində M.Ağayev köməkçi vəzifəsindən kənarlaşdırılmışdı. Bu barədə mediyada da ciddi tənqidi yazılar yayımlanmışdı.
Xatırladaq ki, "vəzifəli şəxslərin fəaliyyətində maraqların toqquşması haqqında" qanununun tələblərinə əsasən yaxın qohumlar eyni dövlət qurumunda işləyə bilməzlər. Göründüyü kimi ölkəımizdə hələ ki, bu qanunun tələbi işlək deyil.
"Qaynarinfo"
