Ermənistan parlamentinin hakim “Müklü Müqavilə” fraksiyasının deputatı Ovik Ağazaryan mandatından imtina etmək niyyətindədir.

Kainat.tv Globalinfo.az-a istinadən xəbər verir ki, bu iddia ilə “Armlur” çıxış edib.

Nəşr yazır ki, Ağazaryan Ermənistanın Baş naziri Nikol Paşinyanın tələbi ilə istefa verməyə hazırlaşır. Məlumata görə, baş nazir özünün ən yaxın adamlarından hesab olunan Ağazaryana çox ciddi şəkildə qəzəblənib. Lakin bunun hansı səbəbdən olduğu məlum deyil.

Erməni deputat “Armlur”la söhbətində məsələni inkar etməyib, suallara cavab verməyəcəyini bildirib və qəzəbli şəkildə telefonu söndürüb. İstefa ilə bağlı rəsmi məlumatın yaxın saatlarda açıqlanacağı gözlənilir.

Qeyd edək ki, O.Ağazaryan Ermənistanın hakim Mülkü Müqavilə Partiyasına Nikol Paşinyana ən yaxın və sadiq adamlardan hesab olunur. O, hər zaman Paşinyanın fikir və təşəbbüslərini dəstəkləyib. Hətta Ermənistanla münasibətlərin gərginləşməsi fonunda Rusiya və Belarus prezidentlərinin ünvanına təhqiramiz ifadələr səsləndirib.